ขับร้อง : เนส เนสมีญ์
คำร้อง : เกรียงเดช ผลทวี
เรียบเรียง : ภูวไนย ดิเรกศิลป์
ห้องอัด : BACKHAM STUDIO
(ผญา)
เมื่อนั้น ราตรีกาลจวนแจ้งแสงจันทาพอสาดส่อง ผองหมู่คนดุ่งดั้นพะลันเข้าป่าไพร
ฝ่ายหนึ่งได้สรรแต่งแปงหา ค้อมขมาผีพงบ่อนจวงผีฮ้าย
นบเถิงทวยแถนไท้ในกงโลกาโลก โศกีโศกมโนกลั้นกะสันฮ้อนฮ่ำคนิง
สาธุเด้อ ขอให้สมสิ่งแม้นคือดั่งมโนหมาย ใจประสงค์พานพบอั้วนางอนงค์แก้ว
อย่าได้มีแนวฮ้ายอันตรายอย่าบังเบียด สิ่งเสนียดอย่ามาต้องผองข้าผู้สุคน นี่แหล๋ว
(คาถา)
อุ มะ อิ เสฎฐะ อิทาริติ เถโรปิ เม เต สัพพานิ อังคัปปัจจังคานิ กิง มังคะละ
ปัณณะระสะ สะรีรัง นิคคะหะ ปะระหุง ปาปิมาติ สะระวะตะ ภาวนาเมฆลั่น
พุทธัง บังเกิด เปิดโลก โลกวิทู
(แหล่)
บัดนี้ มือสิบนิ้ววิงวอนถวยเทพ ขออย่าเกิดเหตุฮ้าย
บัดยามย้ายหย่างดง พงพันธุ์เชื้อเดียรฉานสัตว์ป่า
สูอย่าแตกตื่นท้วงเสือช้างมั่งองค์ กูประสงค์เดินเข้าในไพรก็มีเหตุ
เขตด่านด้าวดงกว้างจั่งค่อยจร ตอนนี้นำหาอั้วนงค์นางนามชื่อ
ไผผู้จับซ่อนลี้ให้เวรต้องจ่องหา หรือแม่นผีเผดบ้าผีป่าผีภู
ให้สูเอาคืนมาอย่านานเดียวนี้ ฮือมีแนวบังไว้อยู่ใสให้เปิดป่อง
ให้ได้พบพ้ออั้วนงค์นาถดั่งประสงค์ นั่นละนา...สาธุเด้อ....
